САРБАНД БА МАРРА РАСИД

                Душанбе, 30 октябр. (АМИТ «Ховар», Лаззат Диловарзод).- Соли ҷорӣ ноҳияи Сарбанд аз нақшаи солонаи пахта мужда расонд.               Бояд тазаккур дод, ки ноҳияи Сарбанд баъд аз ноҳияи Данғара дар вилояти Хатлон дуюмин ноҳияе мебошад, ки дурнамои истеҳсолиаш нисбатан камтар аст. Ноҳия дар соли ҷорӣ нақшаи ҷамъоварии 2300 тонна пахтаро дошт, ки аз иҷрои он ба хубӣ баромада тавонист.               Дар ҷамъоварии пахтаи имсолаи ноҳия аз қувваи кории 1250 нафар сокинони он истифода карда шуд.               Бо иҷрои нақша, хоҷагиҳои деҳқонӣ ва фермерии ноҳия ба шудгори заминҳо ва кишти тирамоҳӣ оғоз карданд.               Хоҷагиҳои деҳқонӣ (фермерӣ)-и ноҳия ҳар рӯз ба андозаи 100-120 гектар заминро шудгор ва кишт менамоянд.