СОЛИ 2009 РУЗҲОИ САНКТ-ПЕТЕРБУРГ ДАР ДУШАНБЕ БАРГУЗОР МЕШАВАД

             Душанбе, 24 октябр. (АМИТ «Ховар», Марзия Саидова).-Соли 2009 дар доираи 10-солагии ба имзо расонидани санади паймони бародаршаҳрӣ байни шаҳрҳои Душанбе ва Санкт-Петербурги Русия дар пойтахти Тоҷикистон -шаҳри Душанбе Рӯзҳои шаҳри Санкт-Петербург гузаронида мешавад. Ин ташаббусро раиси Кумитаи шуғли аҳолии Ҳукумати шаҳри Санкт-Петербург Павел Понкратов зимни мулоқоташ бо раиси шаҳри Душанбе Маҳмадсаид Убайдуллоев пешниҳод кард.             Дар мулоқот ҷонибҳо маҷмӯи масъалаҳои тақвияти ҳамкории бародаршаҳриро дар соҳаҳои иқтисодию иҷтимоӣ ва фарҳангӣ мавриди баррасӣ қарор доданд. Масъалаи ҳимояи хифзи ҳуқуқу манфиатҳои муҳоҷирони меҳнатии тоҷик, ки дар шаҳри Санкт-Петурбург кору фаъолият доранд, дар маркази таваҷҷӯҳи ҷонибҳо қарор дошт.           Зикр шуд, ки ҷиҳати рушди муносибатҳои бародаршаҳрӣ ҳар ду ҷониб омода аст, ки таҳияи барномаю санадҳои дахлдорро ба роҳ монанд.