ҚОСИМ ҚОСИМОВ БА «ҶАҲОНИ КАБУД» КОНСЕРВА МЕБАРАД

          Душанбе, 25 ноябр. (АМИТ «Ховар», Лаззат Диловарзод). – Мувофиқи  маълумоти маркази матбуот ва иттилооти Вазорати кишоварзӣ, Ҷумҳурии Тоҷикистон барои ширкат дар намоишгоҳи байналмилалии кишоварзӣ, ки моҳи феврали соли 2009 дар Ҷумҳурии Федеролии Олмон таҳти унвони «Ҷаҳони кабуд» доир мегардад, даъват шудааст. Даъват ба чунин намоишгоҳи бузурги байналмилалӣ обрӯ ва нуфузи Ҷумҳурии Тоҷикистонро дар соҳаи кишоварзӣ миёни садҳо  давлатҳои ширкаткунанда бараъло нишон медиҳад. Бо супориши вазири кишоварзӣ Қосим Қосимов, то 25 – уми январ намунаи ҳамаи маҳсулоти кишоварзӣ дар шакли хушку тар  ва консерва барои пешниҳод ба намоишгоҳ тайёр карда мешавад.