«БАРҚИ ТОҶИК» ҚАРЗИ «САНКТ- ПЕТЕРБУРГ» -РО ПАРДОХТ НАМУД

            Душанбе, 18 ноябр. (АМИТ «Ховар», Лаззат Диловарзод).- Аз Ширкати  «Барқи тоҷик»  ба мухбири АМИТ  «Ховар»  иттилоъ доданд, ки  қарзи Ширкати  «Санкт-Петербург» ба миқдори 65 ҳазор доллар падохт карда шуд. Боиси ёдоварист, ки Ширкати «Санкт-Петербург» дар кори васлкунии агрегатҳои  нерӯгоҳи барқи обии Артучи ноҳияи Панҷакент  саҳмгузор аст. Хизмати муҳандисӣ — техникии ин ширкат   65  ҳазор доллар ҳисоб карда шудааст. Бо сабаби омода набудани ҳуҷҷатҳои расмӣ, маблағи номбурда саривақт пардохт нагардид. Баъди  расмӣ намудани ҳуҷҷатҳо, маблағи 65 ҳазор доллар қарзи Ширкати «Санкт-Петербург» пардохт гардид. Баъди пардохти маблағи қарзӣ мутахассисони  Ширкати «Санкт-Петербург» ба нерӯгоҳи барқи обии  Артуч омаданд ва  якҷоя бо мутахассисони тоҷик барои ба кор даровардани  нерӯгоҳ фаъолияташонро оғоз карданд. Рӯзҳои наздик нерӯгоҳи мазкур ба истифода дода мешавад.