БАРНОМАҲОИ ИҚТИСОДӢ БАРОИ СОЛИ 2020 МУАРРИФӢ ШУДАНД

               Душанбе, 7 ноябр. (АМИТ «Ховар», Бекназари Абӯбакр). — 7-уми ноябр дар Вазорати рушди иқтисод ва савдои Ҷумҳурии Тоҷикистон дар мавзӯи «Сарчашмаҳои мӯътамади рушди иқтисодӣ барои давраҳои солҳои 2009-2020» мизи мудаввар баргузор гардид, ки дар он муовини аввали вазири иқтисод ва савдои ҷумҳурӣ Амонулло Ашӯр, мушовири калони Президенти Ҷумҳурии Тоҷикистон оид ба иқтисод Неъматҷон Бӯриев, намояндагони вазорату идораҳои дахлдори ҷумҳурӣ ва Бонки Ҷаҳонӣ иштирок намуданд.               Дар мизи мудаввар чор барномаи Бонки Ҷаҳонӣ, аз ҷумла барномаҳои «Хоҷагии халқ: дурнамо ва мушкилот», «Меморандуми иқтисодии мамлакат», «Ислоҳоти бахши ҳавопаймоӣ» ва «Баҳои политикон ва рушди соҳавии мамлакат» аз ҷониби Бонки Ҷаҳонӣ муаррифӣ карда шуд.               Барномаи «Хоҷагии халқ: дурнамо ва мушкилот» имконоти интихоби озоди хоҷагиҳои деҳқониро барои истеҳсолот, коркарди маҳсулоти кишоварзиро дар Тоҷикистон, вусъат додани бахши қарзҳои хурду миёна ва роҳ ёфтани маҳсулоти ватанӣ ба бозори ҷаҳониро дар бар мегирад.              Инчунин, барномаҳои дигар низ ба рушди соҳаҳои мазкур ва таҳкиму густариши онҳо равона шудаанд.