БИНОИ АСОСИИ ДОНИШГОҲИ ДАВЛАТИИ ТИББӢ ПАГОҲ БА ИСТИФОДА ДОДА МЕШАВАД
Душанбе, 24 ноябр. (АМИТ «Ховар», Ибодат Давлатова).- Маросими ба истифода додани бинои асосии Донишгоҳи давлатии тиббии ба номи Абӯали ибни Сино пагоҳ 25 ноябр баргузор мегардад. Дар он кормандони муассисаҳои тиббии тамоми шаҳру ноҳияҳо ва вилоятҳои мамлакат, инчунин донишҷӯён ширкат меварзанд. Мухбири АМИТ «Ховар» хабар медиҳад, ки Ҳукумати мамлакат барои барқарор сохтани бинои донишгоҳ бештар аз 14 миллион сомонӣ ҷудо намуд. Бинои донишгоҳро, ки соли гузашта дар натиҷаи сӯхтори шадид нобуд гардида буд, коргарону мутахассисони ташкилотҳои бинокории «Авторем», «Асос» ва «Сомон- сохтмон» барқарор намуданд. Инчунин донишҷӯёни донишгоҳ дар барқарор сохтани бино саҳми калон гузоштанд. Ёдовар мешавем, ки 26 декабри соли гузашта дар натиҷаи сӯхтор масоҳати бештар аз 9 ҳазор метри мураббаъ бинои донишгоҳ нобуд гардида буд. Донишҷӯён асарҳои олимон, ганҷинаи китобхона ва бойгонии донишгоҳро аз сӯхтор наҷот доданд. Бинои донишгоҳ соли 1939 сохта шудааст ва яке аз иморатҳои кӯҳнатарини пойтахт ба шумор меравад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
