ДАР «АГРОИНВЕСТБОНК» МАРКАЗИ МАЪЛУМОТ КУШОДА ШУД

        Душанбе, 28  ноябр. (АМИТ «Ховар»,  Покиза  Маҳмадбекова). – Дар  Ҷамъияти  саҳомии  «Агроинвестбонк» аз  моҳи  ноябр  сар  карда,  маркази  маълумот  ба  фаъолият  шурӯъ  намуд. Мизоҷон  ба  воситаи  он  ба  ҳамаи  саволҳояшон  роҷеъ  ба  фаъолияти  «Агроинвестбонк» ва  бонкҳои  дигари  мамлакат  маълумоти  зарурӣ   гирифта  метавонанд. Кормандони  Марказ  мизоҷонро  дар  муддати  кӯтоҳ  бо мутахассисони  соҳавӣ  мепайванданд.  Онҳо   ба  мизоҷон  сари вақт  маълумоти  зарурӣ  ва муфассал  медиҳанд. Дар  ин  ҷо  ба  забонҳои  тоҷикию  русӣ  маълумот  дода  мешавад. Ҳадафи  кушодани  маркази  маълумот  вусъат  додани  ҳаҷми  хизматрасонӣ,  дастраси  ҳамагон  гардонидани маълумот  дар  бораи  фаъолияти  бонк  ва  зиёд  намудани  теъдоди  мизоҷони он  мебошад.