ДАР ДУШАНБЕ НАМОИШГОҲИ «АГРОФУД-2008» БАРГУЗОР МЕГАРДАД

               Душанбе, 4 ноябр. (АМИТ «Ховар», Покиза Маҳмадбекова). — Дар Палатаи савдо ва саноати Ҷумҳурии Тоҷикистон (ПСС) бо ташкилкунандагони Намоишгоҳи «Агрофуд — 2008» нишасти матбуотӣ баргузор гардид.Директори ширкати намоиши-рекламавии «Гроу — интернейшнл» Муҳаммад Умронӣ ва директори «Агротех Хуросон» Ҳамид Ризо Султонӣ оиди мақсади ташкили намоишгоҳи мазкур дар Ҷумҳурии Тоҷикистон маълумот доданд. Аз ҷумла, зикр гардид, ки дар намоишгоҳе, ки бо дастгирии Палатаи савдо ва саноати Ҷумҳурии Точикистон ва Ширкати намоишгоҳи рекламавии «Гроу Интернейшнл»-и Ҷумҳурии Исломии Эрон аз 8 то 12 ноябри соли равон дар Душанбе баргузор мегардад, дар он мошинаҳо ва таҷҳизотҳои кишоварзӣ, нуриҳои минералӣ, пеститсидҳои кишоварзӣ, маҳсулоти хӯрокворӣ, таҷизот ва системаҳои бастабандӣ пешкаш карда мешаванд.               Дар намоишгохи мазкур ширкатҳои Эрон, Руссия, ва Туркия молу маҳсулоти хешро пешкаш мекунанд. Аз Ҷумҳурии Исломии Эрон ду ширкати калонтарин — ширкати «Комбайнсозӣ» ва Ширкати «Хадамоти кишоварзӣ» ва 8 то ширкати хурдаш имрӯз маҳсулоташонро пешниҳод менамоянд.               Ҳамчунин, Ҳамид Ризо Султонӣ зикр кард, ки соҳибкорони тоҷик метавонанд бо ширкати «Комбайнсозӣ» — и Ҷумҳурии Исломии Эрон дар Тоҷикистон намояндагии ҳамин ширкатро ба роҳ монанд.Инчунин, дар назар аст, ки вохурии доираҳои соҳибкорони Тоҷикистону Эрон баргузор мегардад