ДАР ХАТЛОН КИШТИ КАРТОШКАИ ТИРАМОҲӢ ОҒОЗ ЁФТ

         Душанбе, 7 октябр. (АМИТ  «Ховар»,  Лаззат Диловарзод).- Аз Раёсати кишоварзии вилояти Хатлон ба мухбири АМИТ  «Ховар» иттилоъ доданд, ки кишти картошка дар вилояти Хатлон оғоз ёфт. Тибқи дурнамои хоҷагиҳои кишоварзии вилоят, соли ҷорӣ кишти картошка дар масоҳати 1 ҳазору 700 гектар пешбинӣ шудааст, ки ин нисбат ба вилояти Суғд ба андозаи 1 ҳазору 400 гектар ва нисбат ба ноҳияҳои тобеи ҷумҳурӣ  450 гектар зиёд аст. То 3- юми  ноябр дар  10 гектари  нахустини замини ин вилоят картошка кишт карда шуд. Боиси ёдоварист, ки  бо сабаби хунукиҳои шадиди зимистони соли 2008 кишти тирамоҳии картошка сахт зарар дид. Зимнан, дар масоҳати 600 гектар  картошкаи барвақтӣ — баҳорӣ кишт карда шуд, ҳарчанд  ҳосили он нисбат ба картошкаи дар моҳи ноябр ва даҳаи аввали моҳи  декабр  киштшуда камтар аст. Аз ин ҷиҳат,  дар ин вилоят кишти тирамоҳии картошка ба мақсад мувофиқ аст.