ДАР КОНИБОДОМУ КӮЛОБУ ТОҶИКОБОД КАЛОНСОЛОНРО ТАЪЛИМ МЕДИҲАНД

               Душанбе, 13 ноябр. (АМИТ «Ховар», Лаззат Диловарзод),- Бино ба иттилои муовини вазири меҳнат ва ҳифзи иҷтимоии аҳолии Ҷумҳурии Тоҷикистон Э. Н. Сангинов, соли ҷорӣ бо қарори Ҳукумати Ҷумҳуҳурии Тоҷикистон «Маркази таълими калонсолони Тоҷикистон» таъсис дода шуд.               Бо мақсади таҳкими заминаи таълимии маркази мазкур, ба касбомӯзӣ фаро гирифтани муҳоҷирони меҳнатӣ ва шаҳрвандони бекор дар асоси қарордодҳои байниҳукуматӣ ва байнисоҳавӣ татбиқи лоиҳаҳои ҳамкорӣ бо Ҷамъияти Ҳамкории Техникии Олмон, Кумитаи имдод Имом Ҳумайнии Ҷумҳурии Исломии Эрон ва Раёсат оид ба ҳамкорӣ ва рушди Туркия оғоз шудааст.                «Маркази таълими калонсолони Тоҷикистон» ва филиалҳои он дар шаҳрҳои Конибодом, Кӯлоб, Қурғонтеппа ва ноҳияи Тоҷикобод аз рӯи талаботи бозори меҳнати дохилию хориҷӣ мутахассисонро тайёр менамоянд.