ДАЪВАТИ ЧИН

                Душанбе, 29 ноябр. (АМИТ «Ховар» — РИА «Новости»). — Намояндаи махсуси раиси давлати Чин дар маҷлиси махсуси Созмони Милали Муттаҳид, ки дар Доха давом дорад, мамлакатҳои ҷаҳонро даъват намуд, ки ба давлатҳои рӯ ба инкошоф дар мубориза ба муқобили бӯҳрони ҷаҳонии молиявӣ ва бартараф сохтани оқибатҳои он кӯмак расонанд. Вай зикр намуд, ки шароити додани қарз ба чунин мамлакатҳо осонтар сохта шавад.               Илова бар ин, Пекин зарурати тезонидани суръати қабули мамлакатҳоро ба Созмони ҷаҳонии тиҷорат ва афзун гардонидани нақши СММ — ро дар пешрафти иқтисодиёти ҷаҳон таъкид намуд.              Дар маҷлиси мазкур намояндагони воломақоми бештар аз 30 мамлакат, инчунин кормандони Бонки ҷаҳонӣ ва созмонҳои минтақавии ҳамкории иқтисодӣ иштирок доранд. Иштирокчиёни маҷлис зарурати ҳамкории байналхалқиро дар мубориза ба муқобили бӯҳрон ва ислоҳоти низоми молиявии ҷаҳон таъкид намуда, изҳор намуданд, ки ҳукумати мамлакатҳо бояд барои бартараф сохтани оқибати бӯҳрони молиявӣ тадбирҳои самарабахш андешанд.