ЭРОНИҲО БО МИРЗОШОҲРУХ АСРОРӢ ВА РУҚИЯ ҚУРБОНОВА ВОМЕХӮРАНД
Душанбе, 12 ноябр. (АМИТ «Ховар», Лутфия Эшонқулова). — Бо мақсади ошноӣ бо вазъи Китобхонаи миллии ба номи Абулқосим Фирдавсӣ, имрӯз мушовири Раиси Ҷумҳурии Исломии Эрон, Раиси маркази асноди миллӣ Алӣ Акбари Ашъорӣ бо кормандони маркази мазкур вориди бинои он шуданд. Меҳмонон аз маркази дастхатҳои қадимаи Китобхонаи миллӣ, китобхонаи «Рӯдакӣ»-и Сафоратхонаи Эрон дидан намуданд. Алӣ Акбари Ашъорӣ зикр намуд, ки вазъи маркази дастхатҳо хеле хуб буда, инҷо барои нигоҳубини китобҳо муҳити муносиб фароҳам оварда шудааст. Кормандони китобхона ба меҳмонон қадимтарин нусхаҳои дастхатҳоро нишон доданд, ки яке аз онҳо — «Таърихи Табарӣ» тақрибан ба охири асри 13 ва аввали асри 14 тааллуқ дорад. Теъдоди умумии дастхатҳо 2,5 ҳазор нусхаро ташкил медиҳад. Тавре раиси Маркази асноди миллии Ҷумҳурии Исломии Эрон ба АМИТ «Ховар» хабар дод, дар Эрон миқдори дастхатҳо 26 ҳазор нусхаро ташкил медиҳад. Қайд кардан бамаврид аст, ки дар китобхонаи «Рӯдакӣ» 14, 5 ҳазор китоб аз ашъор ва рӯзгори шоир ҷамъ оварда шудааст. Имсол ба муносибани ҷашни устод Абӯабдуллоҳ Рӯдакӣ тақрибан 100 китоб ба ин китобхона ворид гардид.Дар назар аст, ки дар чаҳорчӯбаи сафари худ меҳмонон бо вазири фарҳанги ҶТ Мирзошоҳрух Асрорӣ ва муовини сарвазири ҶТ Руқия Қурбонова вохӯрӣ доир намоянд.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
