ЭРОНУ ТОҶИКИСТОН НАМОИШГОҲИ «АГРОФУД — 2008» БАРГУЗОР МЕКУНАНД

                                                                                                   Душанбе, 7 ноябр. (АМИТ «Ховар», Покиза Маҳмадбекова). – Аз 8 то 12 — уми ноябри соли равон дар Маҷмааи давлатии «Кохи Борбад» намоишгоҳи байналмилалии «Агрофуд — 2008» баргузор мегардад. Намоишгоҳи мазкур бо дастгирии ширкати намоишӣ-рекламавии «Гроу — интернейшнл» — и Ҷумҳурии Исломии Эрон ва Палатаи савдо ва саноати Ҷумҳурии Тоҷикистон ташкил карда мешавад. Дар намоишгоҳи мазкур мошинҳо ва таҷҳизоти кишоварзӣ, нуриҳои минералӣ, пеститсидҳои кишоварзӣ, маҳсулоти хӯрокворӣ, таҷҳизот ва системаҳои бастабандӣ пешкаш карда мешаванд. Соҳибкорони тоҷик метавонанд бо соҳибкорони эронӣ барои густариши ҳамкориҳои дуҷониба гуфтугӯ намоянд. Инчунин, дар намоишгоҳи мазкур ширкатҳои Эрон, Русия ва Туркия молу маҳсулоти хешро пешкаш менамоянд.