ИМЗОИ СОЗИШНОМА

                 Душанбе, 29 ноябр (АМИТ «Ховар», Фарангис Раҳимова, Покиза Маҳмадбекова). — Вазири молияи Ҷумҳурии Тоҷикистон Сафаралӣ Наҷмиддинов ва роҳбари намояндагии ҳамкории Швейтсария дар Тоҷикистон Рудолф Шоҳ дар бораи ҷудо кардани маблағ барои даври дуюми амалӣ сохтани барномаи таъминоти об дар шаҳри Хуҷанд созишнома имзо карданд. Ҳукумати Швейтсария барои амалӣ сохтани барномаи мазкур 4,3 миллион евро ҷудо мекунад.                Даври аввали иҷрои барнома соли 2004 оғоз ёфта буд. Барномаи мазкур охири ҳамин сол пурра иҷро карда мешавад. Амалӣ сохтани барнома имкониятҳои корхонаи «Хуҷандводоканал» — ро дар бобати барқарор сохтани фаъолияти шабакаи обрасонӣ дар маҳалҳои истиқоматии соҳили рости дарёи Сир ва ҷорӣ намудани низоми андозагирии истеъмоли обро барои бештар аз 30 фоизи аҳолии шаҳр бештар намуд. Саҳми умумии Ҳукумати Швейтсария дар бобати амалӣ сохтани барномаи бо об таъмин намудани шаҳри Хуҷанд 8,74 миллион доллари ИМА — ро ташкил медиҳад.                                                                                                                                               Тарҷумон — Қудратов А.