КИРОЯКОРӢ САБАБИ БАЛАДШАВИИ НАРХИ МАҲСУЛОТИ КИШОВАРЗӢ

                  Душанбе, 13 октябр. (АМИТ «Ховар», Лаззат Диловарзод).- Бино ба маълумоти Раёсати сиёсати техника ва инфраструктураи кишоварзии ҷумҳурӣ, автомобилҳои боркаши хоҷагиҳои ҷамъиятӣ ва деҳқонӣ (фермерӣ) сол ба сол камтару корношям мегарданд.                  Соли ҷорӣ дар ҷумҳурӣ 5437 адад автомобилҳои боркаш ба ҳисоб гирифта шудааст, ки аз ин 2136 ададаш қобили истифода мебошад.                  Боиси зикр аст, ки ҷумҳурӣ дорои 29 ҳазор хоҷагиҳои деҳқонӣ (фермерӣ) мебошад, ки ин миқдор мошинҳои боркаш дар иҷрои корҳои хоҷагиҳо нокифоя аст.                  Дар вилояти Мухтори Кӯҳистони Бадахшон ҳамагӣ 140 автомобили боркашонӣ мавҷуд аст, ки танҳо 57 -тои он қобили истифода мебошад.                 Дар вилояти Суғд аз 2886 -1529, вилояти Хатлон аз 1844 -133 ва дар ноҳияҳои тобеи ҷумҳурӣ аз 467 — 217 -тои автомобилҳои боркаш он қобили истифодабарӣ мебошад.                 Хоҷагиҳое, ки автомобилҳои боркашонӣ надоранд тавассути киррокашонӣ маҳсулоти худро ба нуқтаҳои зарурӣ интиқол медиҳанд, ки ин боиси боло рафтани нархҳо дар маҳсулоти кишоварзӣ мегардад.