КИШИНЁВ РОҲБАРОНИ ҲУКУМАТҲОИ ИДМ-РО ГИРДИ ҲАМ ОВАРД

                Душанбе.14 ноябр.(АМИТ «Ховар», Марзия Саидова).-Имрӯз дар пойтахти Ҷумҳурии Молдова -шаҳри Кишинёв ҷаласаи навбатии Шӯрои раҳбарони ҳукуматҳои кишварҳои узви Иттиҳоди Давлатҳои Мустақил баргузор мегардад.               Дар назар аст, ки дар ҷаласа беш аз 30 масъалаи ҳаётан муҳими вобаста ба рушди иқтисодиёти кишварҳои ИДМ, хусусан масъалаи Стратегияи рушди иқтисодии ИДМ то соли 2020 мавриди баррасӣ қарор мегирад. Бояд тазаккур дод, ки масъалаи мазкур зимни нишасти сарони давлатҳои узви ИДМ дар моҳи октябри соли равон низ мавриди баррасӣ қарор гирифта буд.                 Интизор меравад, ки дар ҷаласаи навбатии Шӯрои роҳбарони ҳукуматҳои кишварҳои ИДМ масъалаи муайян намудани самтҳои афзалиятноки тақвияти ҳамкории давлатҳои ИДМ дар бахши нақлиёт ва коммуникатсия низ баррасӣ мегардад.               Дар ҷаласаи Шӯрои роҳбарони ҳукуматҳои давлатҳои ИДМ Сарвазири Ҷумҳурии Тоҷикистон Оқил Оқилов иштирок менамояд, ки 13 -уми ноябр бо ҳайати ҳамроҳонаш ба Кишинёв сафар намуд.