МАҚСАД РУШДИ САЛОМАТИИ КӮДАКОНУ НАВРАСОН АСТ

       Душанбе, 24 ноябр. (АМИТ «Ховар», Ибодат Давлатова). – 29- уми ноябри соли ҷорӣ дар Маҷмааи давлатии «Каён -1» оид ба татбиқи «Стратегияи миллии Ҷумҳурии Тоҷикистон дар бораи рушди саломатии кўдакон ва наврасон то соли 2015» машварати миллӣ гузаронида мешавад.       Тавре аз маркази матбуоти Вазорати тандурустии Ҷумҳурии Тоҷикистон хабар доданд, дар он намояндагони Вазорати тандурустӣ, масъулини вазорату кумитаҳои ҷумҳурӣ ва намояндагони ташкилотҳои байналмилалӣ иштирок менамоянд.         Инчунин, дар машварат масъалаҳои стратегияи аврупоӣ оид ба рушди саломатии кўдакон ва наврасон, мундариҷа, мақсад ва вазифаҳои «Стратегияи миллии Ҷумҳурии Тоҷикистон дар бораи рушди саломатии кўдакон ва наврасон то соли 2015» муҳокима карда мешаванд.