МАСОИЛИ ҚАРЗҲОИ БАТАЪХИРАФТОДА ВА МУШКИЛСИТОН БАРРАСӢ ШУД

                Душанбе, 22 ноябр. (АМИТ «Ховар», Покиза Маҳмадбекова). — Дар ҶСК «Ориёнбонк» Комиссияи тавозунӣ-буҷавӣ оид ба ҷамъбасти натиҷаҳои фаъолияти молиявии нӯҳмоҳа ба кори худ хотима бахшид. Дар раванди он натиҷаҳои фаъолияти тамоми низоми бонкӣ таҳлил карда шуд.                Тавре ба мухбири АМИТ «Ховар» аз бонки мазкур иттилоъ доданд, Комиссия дар ҳайати роҳбарони қисмҳои сохтории асосӣ: сармуҳосиб, Идораи рушди корпоративӣ, Департаменти сиёсати амонатӣ-қарзӣ ва Идораи аудит ва назорати дохилӣ масъалаҳои пардохтҳои батаъхирафтода, қарзҳои мушкилситон, бесамарии хароҷотҳо, инчунин иҷроиши буҷаи соли ҷорӣ ва муҳокимаи буҷа барои соли 2009-ро баррасӣ намуд.                Бо мақсади солимгардонӣ ва беҳтар намудани фаъолияти молиявии «Ориёнбонк» директорони филиалҳо ва роҳбарони сохторҳо вазифадор карда шуданд, ки дар оянда тамоми чораҳоро баҳри иҷро шудани нақшаи фоидаи соф биадешанд.