МОҲИПАРВАРОНИ ҶУМҲУРӢ АЗ МУШКИЛОТИ СОҲА СУХАН ГУФТАНД

            Душанбе, 12 октябр. (АМИТ «Ховар», Лаззат диловарзод).- Дирӯз вохӯрии байнидавлатӣ- минтақавии Осиёи марказӣ дар ҳамкорӣ бо созмони байналмиллалии амнияти озуқаворӣ (ФАО) дар Кохи Ваҳдат корашро ба охир расонд.            Дар ин вохӯрӣ намояндагони давлатҳои Осиёи Марказӣ ва давлатҳои ҳамсарҳад, ки дорои захираҳои оби зиёданд, ширкат варзиданд. Дар вохӯрӣ ҳамчунин олимону мутахассисони хоҷагиҳои моҳипарварии ҷумҳурӣ иштирок намуда, оид ба мушкилоти соҳаи моҳипарварӣ фикру андешаҳои худро иброз доштанд.            Мақсад аз ин вохӯрӣ ривоҷ додани соҳаи моҳипаварӣ ва дарёфти механизми ҳамкориҳои мутақобилан судманд байни кишварҳои Осиёи Марказӣ ва давлатҳои ҳамсарҳад арзёбӣ гардид.            Дар вохӯрӣ вазири кишоварзӣ Қосим Қосимов оид ба рушди соҳаи моҳипарварӣ дар Ҷумҳурии Тоҷикистон ба ҳозирин маълумот дод.             Вохӯрӣ бо имзои Созишнома дар бораи ҳамкориҳои муштарак анҷом ёфт.