НАҚШАИ ҶАМЪОВАРИИ ҲОСИЛИ КИШТИ ТАКРОРӢ БАРЗИЁД ИҶРО МЕШАВАД ?

       Душанбе, 21 ноябр. (АМИТ «Ховар», Лаззат Диловарзод). — Соли ҷорӣ тибқи нақша дар ҳамаи шаклҳои хоҷагидорӣ истеҳсоли картошка ба 212 ҳазору 931 тонна расонида мешавад, — гуфт сардори Раёсати растанипарварии Вазорати кишоварзӣ Саидмурод Баҳриддинов ба мухбири АМИТ «Ховар».       То 17-уми ноябр истеҳсоли картошка дар ҳамаи шаклҳои хоҷагидорӣ ба 177 ҳазору 206 тонна расонида шудааст, ки ин ба 83 фоизи дурнамо баробар аст. Ҳосилнокии картошка нисбат ба ҳамин давраи соли 2007 –ум 1,9 сентнер дар 1 гектар зиёд аст.       Ҷамъоварии картошка дар аксарияти хоҷагиҳо ба охир расида бошад ҳам, дар як қатор хоҷагиҳо ҳосили кишти такрории он ҷамъоварӣ нагардидааст. Баробари ҷамъоварии ҳосили кишти такрорӣ нақшаи ҷамъоварӣ пурра ва барзиёд иҷро мешвад.