НИЗОМИ МУЗДИ МЕҲНАТ ВА НАФАҚА БАЛАНД БАРДОШТА МЕШАВАД

Душанбе, 3 ноябр. (АМИТ «Ховар», Покиза Маҳмадбекова). – Дар Вазорати меҳнат ва ҳифзи иҷтимоии аҳолии Ҷумҳурии Тоҷикистон семинарӣ машваратӣ дар мавзӯи «Зарурати ислоҳоти низомӣ таъминоти нафақа ва музди меҳнат дар ҷумҳурӣ» доир гардид.Тавре мухбири АМИТ «Ховар» хабар медиҳад, семинари мазкур бо ташаббуси Вазорати меҳнат ва ҳифзи иҷтимоии аҳолии ҷумҳурӣ ва дастгирии Фонди Фридрих Эберт дар Тоҷикистон гузаронида шуд. Муовини Вазири меҳнат ва ҳифзи иҷтимоиии аҳолӣ Э. Сангинов баромад намуда, оид ба рафти ислоҳоти системаи нафақа ва музди меҳнат маълумот дод. Аз ҷумла, қайд гардид, ки дар асоси талаботи Консепсияи ислоҳоти музди меҳнат, баланд бардоштани маоши ҳадди ақал ва нафақа ҳар сол то 20 фоиз дар назар дошта шудааст. Оид ба зарурати ислоҳоти музди меҳнат ва нафақа мутахассисони пуртаҷрибаи вазорати мазкур фикру ақидаҳои хешро баён намуданд. Мақсад аз гузаронидани семинар муайян намудани воситаҳои баланд бардоштани сатҳи музди меҳнат, нафақа ва сабади истеъмолии аҳолии кишвар буд.