ОЗМУН БАРОИ ВОСИТАҲОИ АХБОРИ ОММАВӢ

       Душанбе, 24 ноябр. (АМИТ «Ховар», Фарангис Раҳимова). – Бунёди ҳамкории Швейтсария дар Тоҷикистон ба шарафи 10 – солагии таъсиси худ кормандони воситаҳои ахбории оммавии Тоҷикистонро даъват мекунад, ки дар озмун ширкат варзанд. Корманди созмони мазкур Гулноза Ҳасанова ба АМИТ «Ховар» хабар дод, ки ба озмун асосан гузоришҳо қабул карда мешаванд. Онҳо бояд ба яке аз соҳаҳои фаъолияти Бунёди ҳамкории Швейтсария бахшида шаванд. Гузоришҳо бояд мавзӯъҳои марбут ба соҳаҳои тандурустӣ, истифодаи оқилонаи захираҳои об, энергетика, рушди сектори хусусӣ, кам кардани хавфи фалокатҳои табиӣ ва дастраси ҳамагон гардондани адолати судиро дар бар гирад. Хабару мақолаҳо ба озмун то 31 декабри соли равон ба забонҳои тоҷикӣ ва русӣ қабул карда мешаванд.