ОЗМУНИ «ЗЕБОСАНАМИ ДУШАНБЕ» ҶАМЪБАСТ МЕШАВАД

             Душанбе, 27 ноябр. (АМИТ «Ховар», Темур Бандишоев).- 20 -умидекабр дар бинои  Маркази тиҷоратии  «Вефа»  озмуни  «Зебосанами Душанбе дар соли 2008»  ҷамъбаст карда мешавад. Дар он занону духтарони аз 18 то 24 — сола иштирок менамоянд. Ташкилкунандаи озмун роҳбари Ҷамъияти саҳомии  «Пиар» Парвина Мақсудова мебошад. Вай ба мухбири АМИТ «Ховар»  хабар дод, ки иштирокчиёни озмун айни ҳол ба ҷамъбасти он тайёрӣ мебинанд. Сурати ҳамаи 12 нафар иштирокчиёни озмуни хотимавӣ дар кӯчаю майдонҳои шаҳр овехта мешавад. П.Мақсудова зикр кард, ки  ғолиби озмуни  «Зебосанами Душанбе» бо роҳи овоздиҳии  мухлисони онҳо ба воситаи Интернет ва  телефонҳои мобилӣ муайян карда мешавад. Овоздиҳии мухлисон ба воситаи Веб- сайти www/ gorod/tj ва фиристодани хабари кӯтоҳ (SMS) ба воситаи телефонҳои мобилӣ аз дирӯз оғоз ёфт. Ҳайати доварон 20- уми декабр миқдори овозҳоро ҳисоб карда, ғолиби  озмунро муайян менамояд, — гуфт П.Мақсудова.