«ПОМИРЭНЕРҶӢ» 26,8 МИЛЛИОН ДОЛЛАРИ АМРИКОӢ САРФ КАРДААСТ

                Бадахшон, 29 ноябр. (АМИТ «Ховар», Л. Додоев).- Дар ВМКБ рушди соҳаи нерӯи барқ бо суръат ҷараён дорад. Имрӯзҳо беш аз 86 фоизи аҳолии вилоят аз нерӯи барқ бархӯрдоранд. Инчунин, ба вилояти Бадахшони Ҷумҳурии Исломии Афғонистон низ нерӯи барқ интиқол дода мешавад.                Дар вилоят ғайр аз 36 нерӯгоҳи хурди барқӣ, инчунин дар гӯшаю канори он 11 нерӯгоҳи хурди барқи обӣ фаъолият доранд. Ба хотири бештар истеҳсол кардани нерӯи барқ истгоҳҳои барқӣ ҳар сол хушсифат таъмир карда мешаванд.               Тавре аз ширкати «Помирэнерҷӣ» иттилоъ доданд, ширкати номбурда ба хотири таъмини нерӯи барқ ва ҷорӣ намудани низоми баҳисобгирии истифодаи он аз соли 2002 то имрӯз 26,8 миллион доллари амрикоӣ сарф кардааст. Аз соли 2002 то имрӯз ҳаҷми умумии истеҳсоли нерӯи барқ танҳо дар 11 истгоҳи барқи обӣ аз 28 меговатт ба 42 меговатт расид.