РӮЗИ ШУКРГУЗОРӢ ДАР ИМА 4 РӮЗ ҶАШН ГИРИФТА МЕШАВАД

Душанбе, 28 ноябр. (АМИТ «Ховар», Бекназари Абӯбакр). — Ҳамасола чаҳорумин панҷшанбеи моҳи ноябр дар Иёлоти Муттаҳидаи Амрико иди миллии Рӯзи шукргузорӣ таҷлил мегардад. Бино бар ривоятҳо, нахустин муҳоҷирони англис ба сарзамини Вирҷиния ва Баркли бо киштӣ омада, дар он ҷо мустақар мешаванд. Соли аввал онҳо аз сармои шадид ва норасоии маводи хӯрока азият мекашиданд ва аҳолии бумии он қаламрав — ҳиндуҳои Амрико ба кӯмакашон омада, бо худ маводи сӯхт ва ғизои мухталиф меоранд. Муҳоҷирони аврупоӣ аз гуруснагӣ ва марг наҷот ёфта, барои ёддошти меҳрубонӣ ва лутфи ҳиндуҳо ин рӯзро ҷашн мегиранд. Бо гузашти замон, ин ид ба маҳбубтарин иди аҳолии на танҳо Амрико, балки Канада низ мубаддал гашт ва расму оини вижаи худро касб намуд. Яке аз чунин одатҳо маъракаи авфи мурғи марҷон аз ҷониби сарвари кишвар ва паради Рӯзи шукргузорӣ мебошад. Дар ИМА ба муносибати ин рӯз аҳолии кишвар чаҳор рӯз таътил мекунанд.