САИД ШАРИФ: «ВАЗИФАИ ПАЛАТАИ САВДО ТАНЗИМИ МУНОСИБАТҲОИ СОҲИБКОРОН АСТ»

        Душанбе, 26 ноябр. (АМИТ «Ховар», Лаззат Диловарзод).- Палатаи савдо ва саноати Тоҷикистон муносибатҳои ҳамкории Худро бо ҳамтоёни хориҷӣ, аз ҷумла Федератсияи Россия, сол то сол беҳтар мекунад.Ҳоло миёни Палатаи савдо ва саноати Ҷумҳурии Тоҷикистон ва Федератсияи Россия 109 Созишномаи ҳамкорӣ ба имзо расонида шудааст.         Бино ба гуфтаи раиси Палатаи савдо ва саноати ҷумҳурӣ Саид Шариф яке аз вазифаҳои Палатаи савдо ва саноати ҷумҳурӣ ба вуҷуд овардани шароити мусоид барои фаъолияти иқтисодии хориҷӣ, танзими муносибатҳои соҳибкорон бо ҳамкасбони хориҷиашон мебошад.        Айни замон Палата 370 аъзо дорад. Дар даҳ моҳи соли ҷорӣ Палата 68 ҳазор сертификати тавлиди молро тасдиқ карда, ба мизоҷон пешкаш намудааст. Дар ҳамкорӣ бо палатаҳои давлатҳои хориҷӣ зиёда аз 180 Созишномаи ҳамкорӣ ба имзо расонида шудааст, ки мақсад аз он ҷалби сармояи хориҷӣ ба иқтисодиёти Тоҷикистон аст.