ШИР КАМЧИН КИ ҲАСТ, ОЛИМОН ГОВҲОИ СЕРШИР БА ВУҶУД ОВАРДАНД

                     Душанбе, 13 ноябр. (АМИТ «Ховар», Лаззат Диловарзод).- Дар Пажӯҳишгоҳи чорводорӣ ба мухбири АМИТ «Ховар» иттилоъ доданд, ки оид ба такмили сифати ирсию маҳсулнокии говҳои зоти сергӯшт барои такрористеҳсолкунӣ 596 сар модагови хушзот ва 332 сар гӯсолаи такмилёбанда вобаста ба зоташон дар 16 подаи чорвои зотӣ парвариш меёбанд.                    Дар гурӯҳҳои таҷрибавии селексионӣ бақайдгирии наслҳо гузаронида шуд. Аз ҳар сад сар модагов 55 сар гӯсола гирифта шуд. Бо такмил додани ҷинси тоҷикии говҳои зоти сиёҳало ва дурагаи голштинӣ, насли голштинӣ аз рӯи хусусиятҳои ширдиҳӣ равғаннокии шир ва шакли пистонро дар худ нигоҳ доштанд.                   Дурагаҳои аз зоти шветсии селексияи амрикоӣ гирифташуда нисбат ба зоти модариашон серширтар, равғаннокии ширашон баландтар, шакл ва сохти пистонашон ҳам беҳтар аст.