«СУЛҲ» БА 50 НАФАР 50-КИЛОГРАММӢ КАРТОШКАИ БЕПУЛ ДОД

      Тоҷикобод. 19 ноябр. (АМИТ «Ховар», Мирзосафар Ризвонов). — Хоҷагии деҳқонии «Сулҳ»-и Тоҷикобод яке аз хоҷагиҳои пешқадами ноҳия ба шумор меравад. Хоҷагидорон соли ҷорӣ дар майдони 106 га ғалладона, 3 га — зироатҳои техникӣ, 10 га — картошка, 2 га — сабзавот кишт карда буданд.      16-уми ноябри соли равон коргарони хоҷагӣ ҷамъоварии маҳсулоти кишоварзиро ба анҷом расонида, аз ҳар га ғаллазор 18-сентнерӣ (дар маҷмӯъ 193 тонна) ғалла, 234-сентнерӣ картошка ва 362-сентнерӣ сабзавот рӯёниданд,- гуфт зимни сӯҳбат сардори Раёсати кишоварзии ноҳия Қурбоналӣ Талбонов.       Хоҷагӣ аз ҳосили гирифтааш ба 50 нафар аз хоҷагиҳои камзироат ва оилаҳои бепарастор 50-килограммӣ картошка кӯмак намудааст.