ТАДБИРҲОИ ВАЗОРАТИ МЕҲНАТ БА ҚОНУН ТАЪСИР НАКАРДАНД

          Душанбе, 25 ноябр. (АМИТ «Ховар», Лаззат Диловарзод). — Бино ба гуфтаи мудири шӯъбаи сиёсати нафақаи Раёсати муносибатҳои  меҳнатии Вазорати меҳнат ва ҳифзи иҷтимоии аҳолии Ҷумҳурии Тоҷикистон Мӯътабархон Камолова, вазорати мазкур   бо мақсади ба талаботи  рӯз мутобиқ сохтани Қонуни амалкунандаи Ҷумҳурии Тоҷикистон «Дар  бораи  таъмини нафақаи  шаҳрвандони  Ҷумҳурии  Тоҷикистон» ба  52  моддаи  қонуни  номбурда иловаҳо  ворид  намуд. 49  моддаи  дигари онро  куллан  тағйир  дода,  7  моддаро  аз  нав   таҳрир  ва  4  моддаро  аз қонун  хориҷ  кард. Ин тадбирҳо  ҳам қонуни  номбурдаро ҷавобгӯӣ  талаботи рӯз  гардонида натавонистанд.         Ба  ақидаи  М. Комилова,   шартҳои   системаи  амалкунандаи  ҳифзи  иҷтимоӣ ба  таҷдиди  назар  ва  мутобиқгардонӣ  ба  вазъи  иқтисодии  муосир   ниёз  доранд.