ТАРМА АЗ КӮҲ КАНДА МЕШАВАД, ВАЛЕ ДАР РОҲ НАМЕМОНАД

           Бадахшон, 11 ноябр. (АМИТ «Ховар», Л.Додоев).- Роҳсозони Идораи роҳсозии вилояти Бадахшон барои хуб гузаронидани зимистони қаҳратун омодагӣ мебинанд. Кӯшиш мекунанд, ки роҳҳои нақлиётию пиёдагард маҳкам нашавад. Ҳар як тармаи аз кӯҳ кандашударо сари вақт тоза менамоянд. Бо ин мақсад то имрӯз 11 ҳазор тонна солярка, 8 ҳазор тонна бензин, 55 тонна ангиштсанг захира карда шудааст. Ба хотири дар ҳолати дуруст нигоҳ доштани роҳҳои нақлиётии вилоят 105 адад техникаи гуногуни роҳсозӣ омодаи кор аст.        Тавре муовини аввали сардори Идораи роҳсозии вилоят Хушназар Абдураҳимов иброз дошт, дар ҳолати аз кӯҳҳо канда шудани тарма ва баста шудани роҳҳо Вазорати нақлиёт ва коммуникатсия ба шаҳру навоҳии Бадахшон бензину соляркаи иловагӣ интиқол медиҳад. Инчунин, рӯзҳои наздик аз ҷониби вазорат барои коргарон либосҳои гарм фиристонида мешавад