ТЕАТРИ МУСИҚӢ-МАЗҲАКАВИИ ШАҲРИ ХОРУҒ ТАҒЙИР ДОДА ШУД

              Хоруғ. 22 ноябр. (АМИТ «Ховар», Л. Додоев). — Дар шаҳри Хоруғ баробари бунёди даҳҳо иншооти азими замонавӣ таъмиру азнавсозии Театри мусиқӣ-мазҳакавии вилоятӣ идома дорад. Корҳои сохтмониро дар ин ҷо ширкати бинокории «Шарқ»-и шаҳри Душанбе ба ӯҳда гирифтааст.             Барои таъмиру азнавсозии театр Ҳукумати ҷумҳурӣ 2 миллиону 63 ҳазор сомонӣ ҷудо намудааст. То имрӯз ба маблағи 470 ҳазор сомонӣ корҳои сохтмонӣ иҷро шудаанд. Музди меҳнати коргарон аз 500 то 700 сомонӣ аст. Тибқи нақша, то 10-уми майи соли 2009 бинои театр мавриди истифодабарӣ қарор дода мешавад.             Тавре аз Пажӯҳишгоҳи «Бадахшонмеъморӣ» иттилоъ доданд, баъди таъмиру азнавсозӣ Театри мусиқӣ-мазҳакавӣ ба яке аз зеботарин театрҳои ҷумҳуриявӣ табдил меёбад, зеро симояш аз саҳна сар карда, то даромадгоҳ тағйир дода шуд.