ТОҶИКИСТОН МИЁНИ 134 КИШВАРИ ДУНЁ РАҚОБАТПАЗИР АСТ

              Душанбе, 12 ноябр. (АМИТ «Ховар», Покиза Маҳмадбекова). -. Тибқи гузориши ҳамасолаи Форуми ҷаҳонии иқтисодӣ (WEF) «Дар бораи рақобатпазирии сартосарии кишварҳо» Ҷумҳурии Тоҷикистон аз рӯи нишондиҳандаи афзоиши рақобатпазирӣ миёни 134 кишвари дунё мақоми 116-умро ишғол мекунад. Бояд гуфт, ки соли гузашта Тоҷикистон дар мақоми 117-ум қарор дошт.             Аз рӯи ин нишондод, Ҷумҳурии Қирғизистон дар мақоми 122, Қазоқистон — 66, Чин — 30 ва Покистон дар мақоми 101-ум ҷойгир шудаанд. Оид ба нишондиҳандаи афзоиши рақобатпазирии кишварҳои Ӯзбекистон, Туркманистон ва Афғонистон маълумоте оварда нашудааст.             Миёни кишварҳои Иттиҳоди Давлатҳои Мустақил Россия дар мақоми 51-ум қарор дорад, ки ин нишондиҳандаи беҳтарин аст. Қобили зикр аст, ки зимни таҳияи гузориши WEF коршиносон омилҳоеро аз қабили вазъ ва рушди зерсохтори иқтисодию макроиқтисодӣ, вазъи соҳаи тандурустиву маориф, ҷорисозии навгониҳо дар иқтисод ва самаранокии бозори молиявӣ мавриди таҳлил қарор медиҳанд.