ТОҶИКИСТОН –РОССИЯ: МАРҲИЛАИ НАВИ ҲАМКОРИҲО ДАР БАХШИ ГИДРОЭНЕРГЕТИКА

        26 – уми ноябри соли 2008 Президенти Ҷумҳурии Тоҷикистон Эмомалӣ Раҳмон Роҳбари Маъмурияти Президенти Федератсияи Россия Сергей Наришкинро ба ҳузур пазируфт.        Дар мулоқот масоили таҳкиму густариши минбаъдаи муносибатҳои Тоҷикистону Россия ва татбиқи амалии санадҳои ҳамкории миёни ду кишвар баррасӣ шуд.Аз мунтазамии робитаҳои сатҳи олӣ ва дигар сатҳу зинаҳои ду кишвар ва рушди ҳамкориҳои гуногунҷанба, хусусан аз рафти сохтмони нерўгоҳи обии Сангтўда-1 ва робитаҳои ҳарбӣ сиёсӣ — изҳори қаноатмандӣ карда шуд.      Мусоҳибон суръат бахшидани корҳоро дар сохтмони иншооти дигари гидроэнергетикӣ ва азхудкунии муштараки захираҳои нафту гази Тоҷикистон матлуб арзёбӣ намуданд.Рушди ҳамкориҳо дар соҳаҳои илму маориф ва фарҳанг низ аз мавзўъҳои муҳими сўҳбат буд.       Дар мулоқот ҳамчунин оид ба авзои кунунии Афғонистон ва ҳамкориҳои минтақавӣ дар Осиёи Марказӣ гуфтугӯ сурат гирифт.      Дар ин бора ба АМИТ «Ховар» аз хадамоти матбуоти Президенти Ҷумҳурии Тоҷикистон иттилоъ доданд.