ВАЗИРИ КОРҲОИ ХОРИҶИИ ТУРКИЯ БА ТОҶИКИСТОН ОМАД

       Душанбе, 26  ноябр. (АМИТ «Ховар»,  Пайвар Назаров). —  Имрӯз  сафари  кории  дурӯзаи   вазири  корҳои  хориҷии  Туркия  Алӣ  Бобоҷон дар  Тоҷикистон  оғоз  ёфт. Вай  зимни  сафар   бо  вазири  корҳои  хориҷии  Тоҷикистон  Ҳамрохон  Зарифӣ  мулоқот  анҷом  дод. Вазири  корҳои  хориҷии  Туркия баъди  анҷоми  мулоқоташ  бо Ҳ. Зарифӣ  аз  Донишгоҳи   миллии Тоҷикистон,  Литсейи  муштараки Тоҷикистону  Туркия  ба  номи  Ҳоҷӣ Камол ва  марказҳои  омӯзиши   забони туркии  «Томер» ва  «VEFA Centr» боздид  хоҳад  кард. Меҳмон  баъдан бо  ҷараёни   сохтмони  меҳмонхонаи «Ҳаёт реженси»  шинос  мешавад. Ӯ рӯзи  дуюми  сафар  ба  шаҳри  Қӯрғонтеппа  рафта,  мақбараи  шоир ва  мутафаккири  бузурги тоҷик  Ҷалолиддини  Румиро  зиёрат мекунад.