ҒОРАТГАР 1500 СОМОНИИ СОКИНИ ПОЙТАХТРО БА ЯҒМО БУРД

Душанбе, 12 декабр. (АМИТ «Ховар». Анварбек Сиддиқов).- 11-уми декабри соли ҷорӣ истиқоматкунандаи кӯчаи 50-солагии Тоҷикистони пойтахт Меҳринисо Бобоева ба шӯъбаи корҳои дохилии ноҳияи Фирдавсӣ шикоят кард, ки шахсони номаълум ба хонаи ӯ ворид шуда, ду велосипеди «Кама», ду ҷуфт пойафзол ва дигар ашёҳои рӯзгорро ба маблағи умумии 1500 сомонӣ ба яғмо бурдаанд. Тавре аз маркази матбуоти ВКД-и ҷумҳурӣ ба АМИТ «Ховар» иттилоъ доданд, кормандони шӯъбаи корҳои дохилии ноҳияи мазкур дар натиҷаи гузаронидани корҳои фаврӣ-ҷустуҷӯӣ Сайвалӣ Раҳимзода (соли таваллудаш 1992), Ҳабибулло Шарипов (соли таваллудаш 1993) ва Ҷамшед Ҳасанзода (соли таваллудаш 1993) — ро дастгир карданд. Нисбати ин ҳодиса парвандаи ҷиноӣ оғоз ёфта, тафтишот идома дорад.