ҶОИЗАҲОИ СММ ДАР СОҲАИ ҲИФЗИ ҲУҚУҚИ ИНСОН СУПОРИДА
Вашингтон, 11 декабр. (АМИТ «Ховар» — РБК). – Дар маҷлиси Маҷмаи кулли Созмони Милали Муттаҳид, ки бахшида ба 60 – солагии қабули Эъломияи умумии ҳуқуқи инсон баргузор гардид, ҷоизаҳои олии он дар соҳаи ҳифзи ҳуқуқи инсон супорида шуданд. Вакили дифои Президенти собиқи кушташудаи Ироқ Саддом Ҳусейн, Комиссари собиқи олии СММ дар масъалаи ҳуқуқи инсон Луиз Арбур, сарвазири собиқи Покистон Беназир Бҳутто ва Созмони байналхалқии ҳифзи ҳуқуқи инсон дар симои мудири иҷроияи он Кеннет Рот барандагони ҷоизаҳои мазкур гардиданд. Дар ин бора дар хабари расмии барои матбуот дарҷнамудаи дафтари матбуоти СММ сухан меравад. Раиси Маҷмаи кулли СММ Мигел Ҷеското Броккман зимни сӯҳбат бо хабарнигорон гуфт, ки мо 60 – солагии қабули Эъломияи умумии ҳуқуқи башарро ҷашн гирифта, заҳмати хастагинопазир ва саҳми бузурги одамон ва созмонҳоро қадр менамоем, ки барои эҳтироми ҳуқуқу озодиҳои инсон мубориза бурдаанд. Созмони Милали Муттаҳид кӯшиш хоҳад кард, ки ҳуқуқу озодиҳои дар эъломия ифодаёфта барои сокинони тамоми мамлакатҳо ҷузъи воқеии зиндагии онҳо гардад. Мухбири АМИТ «Ховар» ёдовар мешавад, ки СММ Эъломияи умумии ҳуқуқи башарро 10 декабри соли 1948 қабул карда буд. Ҷоизаҳои он дар соҳаи ҳифзи ҳуқуқи инсон бори аввал 10 декабри соли 1968 ба муносибати 20 – солагии қабули эъломия супорида шуданд. Ин ҷоизаҳо ҳар панҷ сол як маротиба супорида мешаванд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
