43 МИЛЛИОНУ 622 ҲАЗОР ДОНА ТУХМ ГИРИФТА ШУД

             Душанбе, 10 декабр. (АМИТ «Ховар», Лаззат Диловарзод).- Бо Қарори Ҳукумати Ҷумҳурии Тоҷикистон аз 3.10. 2006 таҳти рақами 451 тасдиқ гардидани Барномаи рушди паррандапарварӣ дар Ҷумҳурии Тоҷикистон барои солҳои 2007- 2015 ба пешравии соҳа мусоидат намуд. Бояд зикр намуд, ки соҳа дар солҳои 1991-95 қариб ба нестшавӣ расида буд. Рушди соҳа мавриди таваҷҷӯҳи шахсии Президенти ҷумҳурӣ қарор гирифта бошад ҳам, дар солҳои 1991-2000-ум бо сабаби рушди нокифояи иқтисодиёти ҷумҳурӣ ба миён гузоштани соҳаи паррандапарварӣ боз дошта шуд. Баҳри рушди соҳа ҷалби сармояи ватанию хориҷӣ зарур буд. Бо истифода ва ҷалби сармояи хориҷӣ дар як муддати кӯтоҳ дар ноҳияҳои Сарбанд, Мӯъминобод, Бохтар, Ваҳдат, Файзобод, Конибодом, Истаравшан ва  ноҳияи Мастчоҳ 9 корхонаи паррандапарварӣ ба кор даромад. То 1-уми октябри соли 2008 дар корхонаҳои паррандапарварии ҷумҳурӣ 923 ҳазору 204 сар парранда парвариш ёфта, 43 миллиону 625 ҳазор дона тухм истеҳсол карда шудааст.