АМАЛИЁТИ ҲАРБИИ ИСРОИЛ ДАР ВОҲАИ ҒАЗЗАҲ ДАВОМ ДОДА МЕШАВАД

          Тел – Авив,  31  декабр. (АМИТ «Ховар» — РИА «Новости»). –  Сарвазири  Исроил  Эхуд  Олмерт   рӯзи  сешанбе   изҳор  намуд, ки  қисмҳои  ҳарбии  мамлакат  амалиёти  ҳарбиро  дар   воҳаи  Ғаззаҳ   давом  хоҳанд дод.  Хабар  дода  мешавад, ки   ҳавопаймоҳои  низомии  Исроил   чор  рӯз  боз  минтақаҳои  гуногуни  воҳаи  Ғаззаҳро  бомбаборон  мекунанд. Дар  натиҷа  бештар  аз 360 сокини  маҳаллӣ  ба  ҳалокат  расид.          Ҳамзамон  дар  Исроил  хизматчиёни  ҳарбии  мустаъфӣ    дар  марказҳои  аскаргирӣ  ҷамъ карда,   ба  сарҳадҳои  Фаластин   фиристода  мешаванд.   Хабар  дода  мешавад, ки    дар  амалиёти  ҳарбии  воҳаи  Ғаззаҳ  қисмҳои  ҳарбии  пиёданизом,  мошинҳои  зиреҳпӯш  ва  тӯпхона  истифода  карда  хоҳанд  шуд.         Э.Олмерт  зимни  мулоқот  бо  президенти  мамлакат  Шимон Перес   зикр  кард, ки   амалиёти  ҳарбӣ  дар   воҳаи  Ғаззаҳ нав   шурӯъ  шудааст ва   то  ба  даст  омадани  ҳадафҳои   пешниҳоднамудаи  ҳукумат  давом  дода  мешавад.