АЗ ҲИСОБИ МАБЛАҒГУЗОРИҲОИ ХУСУСӢ БИНО МЕСОЗАНД

          Душанбе, 16 декабр. (АМИТ «Ховар», Лаззат Диловарзод).- Имсол дар шаҳри Ваҳдат дар соҳаи сохтмон натиҷаҳои хуб ба даст омад. Дар кулли ташкилоти сохтмонии ноҳия, ки ба тарзи пудратӣ амал мекунанд, ба ҷои 10 млн. 296 ҳазору 507 сомонӣ ба маблағи 10 млн. 908 ҳазору 507 сомонӣ корҳои сохтмонӣ анҷом дода шудаанд. Боиси зикр аст, ки дар шаҳр сохтмони баъзе иншоот, аз ҷумла сотмону таъмири мактабҳои рақами 2 ва 3 аз ҳисоби маблағгузориҳои ташкилотҳои байналхалқӣ ва буҷети ҷумҳуриявӣ амалӣ мегардад. Дар шаҳр аз ҳисоби маблағгузориҳои хусусӣ низ сохтмони як қатор иншооти зарурӣ анҷом дода мешавад.