АЗ 48 ХОҶАГИИ ПАХТАКОР ТАНҲО 8-ТОЯШОН НАҚШАРО ИҶРО КАРДАНД

         Душанбе, 24 декабр. (АМИТ «Ховар», Лаззат Диловарзод).- Бино ба иттилои Раёсати кишоварзии ноҳияи Восеъ, шӯъбаҳои бонкии ноҳия аз ҳисоби маблағҳои ҷудонамудаи Ҳукумати ҷумҳурии Тоҷикистон 3716137 сомонӣ маблағи коркарди майдони 2751 гектари заминҳои пахтаро пардохтанд. Аз ҷумла, маблағи ҷудонамудаи «Тоҷпромбонк» 193860 сомонӣ, «Агоинвестбонк» — 763500 сомонӣ ва «Амонатбонк» — 2672777 сомониро ташкил дод. Бино ба иттилои ҳамин манбаъ, аксарияти хоҷагиҳои пахтакори ноҳия бо маблағи худ пахтаи соли 2008-ро парвариш ва ҷамъоварӣ намуданд. Дар  ноҳия аз 48 хоҷагии пахтакор танҳо 8 хоҷагӣ аз ӯҳдаи иҷрои нақшаи ҷамъоварии пахта баромад.