БА КИТОБХОНАИ ДМТ СЕРТИФИКАТИ БАЙНАЛХАЛҚӢ ДОДА ШУД

                  Маскав, 17 декабр. (АМИТ «Ховар», Ҳалима Хушқадамова). — Бунёди байналмилалии ҳамкории гуманитарии Федератсияи Русия ба муносибати анҷом ёфтани Соли адабиёт ва хониш дар ИДМ ва оғози Соли ҷавонон дар Иттиҳоди давлатҳои мустақил ҷамъомади хайрия гузаронд. Роҳбари маъмурияти Президенти Русия Сергей Наришкин зимни суханрониаш зикр кард, ки равобити инсонӣ ва эҷодии халқҳои ИДМ торафт мустаҳкамтар мегардад ва ба манфиати халқҳои Иттиҳод истифода бурда мешавад.                 Хабар дода мешавад, ки ба иштирокчиёни ҷамъомад дар бораи тадбирҳои амалисохтаи бунёди мазкур 12 филм намоиш дода шуд.                  Раиси Шӯрои ҳамкории гуманитарӣ ва ёвари президенти Русия Ҷаҳон Полиева ба баъзе китобхонаҳои мамлакатҳои ИДМ сертификат супорида, зикр намуд, ки дар доираи Соли адабиёт ва хониш, Анҷумани сеюми зиёиёни илмию эҷодкори мамлакатҳои ИДМ ва тадбирҳои дигар 70 барномаи адабию фарҳангӣ амалӣ гардонда шуд.  Қайд карда шуд, ки дар доираи Соли ҷавонон ҳамкории фарҳангӣ ва гуманитарии ҷумҳуриҳои Иттиҳод боз ҳам бештар густариш хоҳад ёфт. Дар фарҷоми ҷамъомад ба китобхонаи илмии Донишгоҳи миллии Тоҷикистон сертификат дода шуд. Онро сафири кабири Тоҷикистон дар Русия Абдулмаҷид Достиев қабул кард.                                                                                                                                                              Тарҷумон — Қудратов А.