«БАРҚИ ТОҶИК» ИДДАОИ КОРХОНАҲОИ КОРКАРДИ ПАХТАРО БЕАСОС МЕДОНАД

           Душанбе, 12 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар корхонаҳои Вазорати энергетика ва саноати ҷумҳурӣ дар моҳи январ — октябри соли ҷорӣ ба маблағи 1047,8 млн. сомонӣ маҳсулоти саноатӣ истеҳсол карда шудаааст, ки ин нисбат ба ҳамин давраи соли гузашта 1,5 фоиз зиёд аст.  Дар корхонаҳои коркарди пахтаи ҷумҳурӣ бошад, дар даҳ моҳи соли 2008 405,5 млн. сомонӣ маҳсулот истеҳсол карда шудааст, ки нисбат ба ҳамин давраи соли 2007 17,1 фоиз кам аст. Корхонаҳои коркарди пахта сабаби кам шудани истеҳсоли маҳсулотро дар мунтазам нагирифтани барқ маънидод мекунанд, аммо ширкати «Барқи тоҷик» идаои онҳоро бо сабаби сари вақт напардохтани ҳаққи истифодаи барқ беасос медонад.