БАРРАСИИ НАҚШАИ РОҲҲОИ МОШИНГАРДИ ТОҶИКИСТОН
Душанбе , 27 декабр. (АМИТ «Ховар», Покиза Маҳмадбекова).- Зимни мулоқоти муовини раиси Палатаи савдо ва саноати ҷумҳурӣ Асаналӣ Қарамалиев бо мушовири раёсати идораи ҳамлу нақли мол дар ҷумҳуриҳои Осиёи Марказии Бонки рушди Осиё Хонг Ки Макс масъалаҳои тартиб додани нақшаи ташкили шабакаи нақлиётӣ муҳокима шуд, ки Тоҷикистонро бо мамлакатҳои ҳамсоя, аз ҷумла Ҷумҳурии Мардумии Чин мепайвандад. Таъкид шуд, ки ҳамлу нақли мол ба воситаи нақлиёти автомобил ва сохтмони роҳҳои мошингард барои пешрафти иқтисодиёти Тоҷикистон аҳамияти калон дорад. Меҳмон ба проблемаҳои ҳамлу нақли мол аз Тоҷикистон ба мамлакатҳои ҳамсоя, аз ҷумла Чин, теъдоди корхонаю муассисаҳои аъзои палата дар соҳаи нақлиёт ва ғайра таваҷҷӯҳ зоҳир намуд. Муовини раиси Палатаи савдо ва саноати Тоҷикистон зикр намуд, ки роҳи мошингарди Душанбе — Қулма ҳамагӣ 6 моҳ истифода бурда мешавад ва ин фаъолияти соҳибкорону тоҷиронро хусусан дар фасли зимистон душвор мегардонад. Хонг Ки Макс хабар дод, ки моҳи феврали соли оянда дар шаҳри Гуанчжоу бахшида ба нақшаи шабакаи роҳҳои мошингарди Тоҷикистон семинари дурӯза баргузор мегардад. Вай даъват намуд, ки намояндагони Палатаи савдо ва саноати Тоҷикистон дар семинари мазкур ширкат варзанд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
