БУҶЕТИ СОЛИ ОЯНДА ТАСДИҚ ШУД

              Душанбе, 29 декабр. (АМИТ «Ховар», Покиза Маҳмадбекова).- Аз вазорати молияи ҷумҳурӣ ба АМИТ «Ховар» хабар доданд, ки  Буҷети давлатии мамлакат барои соли 2009 ба маблаги бештар аз 6 миллиард сомонӣ тасдиқ карда шуд. Маблағи умумии хароҷоти буҷет дар соли оянда 6 миллиарду 111 миллиону 120 ҳазор сомониро ташкил медиҳад. Барои таъминоти молиявии  фаъолияти мақомоти ҳокимияти давлатӣ ва идора  дар соли оянда  462 миллиону 745 ҳазор сомонӣ, мудофиа 300 миллиону 55 ҳазор сомонӣ ва  мақомоти муҳофизи қонуну тартибот   354 миллиону 765 ҳазор сомонӣ ҷудо карда шудааст. Соли оянда барои таъминоти эҳтиёҷоти соҳаҳои маориф як миллиарду 139 миллиону 446 ҳазор сомонӣ, тандурустӣ 395 миллиону 745 хазор сомонӣ ва ҳифзи иҷтимоии аҳолӣ 728 миллиону 742 ҳазор сомонӣ сарф карда мешавад.