ДАР БАЙНИ ДУШАНБЕ ВА БОКУ РОҲИ ҲАВОӢ КУШОДА МЕШАВАД

          Душанбе,  11  декабр. (АМИТ «Ховар»,  Мавзуна  Бойева). –  Тибқи  хабарҳои  аз пойтахти Ҷумҳурии  Озарбойҷон  расида,  20  декабр дар  байни  пойтахтҳои ҳар  ду  кишвар  —  шаҳрҳои  Душанбе  ва  Боку  роҳи  ҳавоӣ  кушода  мешавад. Айни   ҳол  намояндагони  Ҳукумати  Тоҷикистон  ин  масъаларо  бо  роҳбарияти  Ҷамъияти  саҳомии «Роҳҳои  ҳавоии  Озарбойҷон»  баррасӣ  менамоянд. Масъалаи мазкур  рӯзҳои  наздиктарин  пурра  ҳал  карда  мешавад. Сардори  Раёсати  умумии  ҳавонавардии  мулкии  вазорати  нақлиёт  ва  алоқаи  Ҷумҳурии  Тоҷикистон  Неъматулло  Соҳибов  ба  АМИТ «Ховар»  хабар  дод, ки  роҷеъ  ба  ин  масъала  ба  унвони  Ҷамъияти  саҳомии «Роҳҳои  ҳавоии  Озарбойҷон» мактуби  махсус  фиристода  шудааст. Вазорат айни  ҳол  интизори  ҷавоби  ҳамин  мактуб  мебошад.