ДАР ХОҶАГИҲОИ ДЕҲҚОНӢ ВАЗЪИЯТИ ТЕХНИКА БАД АСТ

             Душанбе, 29 декабр. (АМИТ «Ховар», Лаззат Диловарзод).- Аз Кумитаи давлатии омори ҷумҳурӣ иттилоъ доданд, ки то 1-уми декабри соли 2008 дар хоҷагиҳои ҷамъиятӣ, деҳқонӣ (фермерӣ)-и ҷумҳурӣ 3261 трактори шудгоркунанда мавҷуд буд. Аз ин шумора 1863 ададашон мавриди истифода мебошанд, ки ин ба 57 фоизи техникаи кишткунанда баробар аст. Тибқи санҷиши гузаронидашуда, дар хоҷагиҳои ҷамъиятӣ 2106 адад трактори шудгоркунанда мавҷуд аст, ки аз он 1080 ададашон қобили истифода мебошанд. Вазъияти техника дар хоҷагиҳои деҳқонӣ (фермерӣ) аз ин ҳам бадтар аст. Дар хоҷагиҳои номбурда аз 1155 трактори шудгоркунанда  783 трактор мавриди истифода қарор дорад, ки ин ба 43,3 фоизи техникаи истифодашаванда баробар аст.