ДАР ХУҶАНД 100-СОЛАГИИ БОБОҶОН ҒАФУРОВРО ТАҶЛИЛ МЕКУНАНД

             Душанбе, 17 декабр. (АМИТ «Ховар», Бекназари Абӯбакр).- Мувофиқи қарори раиси вилояти Суғд Қоҳир Расулзода, 26-уми декабр дар саросари вилоят 100-солагии академик Бобоҷон Ғафуров таҷлил карда мешавад.              Бино ба иттилои маркази таҳлилию иттилоотии дастгоҳи раиси вилояти Суғд, имрӯзҳо ба ин муносибат дар тамоми шаҳру ноҳияҳои вилоят викторина, семинар, мулоқот, мизи мудаввар ва «Ғафуровхонӣ» баргузор шуда истодааст.               Бояд зикр намуд, ки бо ин мақсад 4 ҳазору 300 сомонӣ аз фонди захиравии раиси вилояти Суғд барои гузаронидани чорабиниҳои ҷашнӣ ҷудо мегардад.               Ёдовар шудан бамаврид аст, ки дар доираи маъракаҳои 100-солагии Бобоҷон Ғафуров оғози ҳафтаи ҷорӣ дар шаҳри Хуҷанд бо иштироки олимон, таърихшиносон ва устодону шогирдони мактабҳои шаҳри Хуҷанд конфронси илмӣ баргузор гардид.