«ГАНҶ» — ХОҶАГИИ БЕҲТАРИН ДАР БАДАХШОН

            Душанбе, 26 декабр. (АМИТ «Ховар», Лаззат Диловарзод).- Тибқи маълумоти Раёсати кишоварзии вилояти Мухтори Кӯҳистони Бадахшон, дар асоси ҷамъбасти ҳосили маҳсулоти хоҷагиҳҳои деҳқонӣ (фермерӣ)-и вилоят, хоҷагии деҳқонии «Ганҷ»-и ноҳияи Рӯшон беҳтарин хоҷагӣ эътироф карда шуд. Хоҷагии деҳқонии «Ганҷ» мисли дигар хоҷагиҳои деҳқонии ноҳия замини зиёд надорад, аммо самаранок истифода бурдани замини деҳқонӣ ба он оварда расонид, ки ҳосили ҳама намудҳои зироат, сабзавот ва полезӣ барзиёд иҷро карда шавад. Хоҷагии мазкур танҳо аз 1 га замини картошка 40 тонна ҳосил ба даст оварда, онро дар бозори шаҳри Хоруғ бо нархи 1 сомонию 40 дирам ба савдо бароварда, 44 ҳазор сомонӣ фоида дид. Нақшаи сабзавоту полезӣ низ барзиёд иҷро гардид.