ГУРӮҲИ МУТАШАККИЛИ ҶИНОЯТКОРИ АФҒОН ДАСТГИР ШУДАНД
Душанбе, 27 декабр. (АМИТ «Ховар», Анварбек Сиддиқов).- Бо назардошти вазъияти мураккаби ҷинояткорӣ дар ноҳияи Шўрообод, ки бо сабаби зиёдшавии ҳодисаҳои нашъаҷаллобию гаравгонгирӣ ба миён омадааст, роҳбарияти Кумитаи давлатии амнияти миллии Ҷумҳурии Тоҷикистон ба Сарраёсати Қӯшунҳои сарҳадии кумита супориши қатъӣ дода буд, ки фаъолияти худро дар самти ҳифзи ҷисмонии сарҳади давлатӣ пурзӯр намояд. Тавре ба АМИТ «Ховар» аз маркази матбуоти Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон иттилоъ доданд, 24-уми декабри соли равон дар ҳудуди деҳаи Порвори ноҳияи Шӯрообод дар асоси маълумоти пешниҳоднамудаи сокинони маҳаллӣ хизматчиёни Қӯшунҳои сарҳадӣ амалиёти махсус анҷом доданд. Дар натиҷа ду нафар шаҳрванди Ҷумҳурии Исломии Афғонистон — аъзои гурӯҳи муташаккили ҷинояткор Хайрулло валади Сулаймон ва Суфиназир валади Эмомназар, ки солҳои зиёд ба нашъаҷаллобӣ ва гаравгонгирии сокинони минтақаҳои наздисарҳадии Тоҷикистон машғул буданд, дастгир карда шуданд. Инчунин, сарҳадбонони тоҷик аз қочоқчиёни афғон беш аз 100 кг маводи гуногуни нашъадор, 2 автомати Калашников, 10 адад тирдон ва 300 дона тири автомат мусодира намуданд. Бояд зикр намуд, ки амалиёти мазкур барои мӯътадил гардонидани вазъият дар минтақа ба пешгирии амалҳои ҷинояткоронаи нашъаҷаллобӣ ва гаравгонгирӣ мусоидат менамояд. Нисбати қазияи мазкур аз тарафи шӯъбаи тафтишотии Сарраёсати Қўшунҳои сарҳадии КДАМ ҶТ парвандаи ҷиноӣ боз шуда, тафтишот идома дорад.
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
