ИМЗОИ ҲУҶҶАТҲОИ ҲАМКОРӢ

          Душанбе, 4  декабр. (АМИТ «Ховар»). – Сафари  расмии  Президенти  Ҷумҳурии  Тоҷикистон  Эмомалӣ Раҳмон  дар  Украина  давом  дорад. Дар  ҷараёни он  силсилаи  ҳуҷҷатҳои  ҳамкории  ҳар  ду  кишвар  имзо карда  мешаванд. Аз Кумитаи  кор  бо  ҷавонон,  варзиш  ва  сайёҳии  назди Ҳукумати  ҷумҳурӣ  ба  АМИТ «Ховар»  хабар  доданд, ки   имрӯз дар  пойтахти  Украина  Созишномаи ҳамкории  Ҳукуматҳои  Ҷумҳурии  Тоҷикистон ва  Украина  дар  бораи   ҳамкорӣ  дар  соҳаи  туризм  ва  Созишномаи  ҳукуматҳои  хар  ду  мамлакат   дар  бораи  ҳамкорӣ  дар  соҳаи  тарбияи  ҷисмонӣ ва  варзиш  имзо   карда  шуданд. Ин  ҳуҷҷатҳоро  аз  ҷониби  Тоҷикистон Раиси  Кумитаи  кор  бо  ҷавонон,  варзиш ва  сайёҳии  назди  Ҳукумати  мамлакат  Маликшо Неъматов  имзо кард.